Kur dikush bie në koma, aktiviteti i trurit të tyre është minimal. Ata janë të gjallë, por nuk mund të lëvizin ose të zgjohen. Potenciali i rikuperimit të tyre varet nga shkaktari i komës.

Një person në koma është jo reagues ndaj ambientit, si ndaj zërave ose dhimbjeve. Megjithatë, është e mundshme që ata kanë një nivel të vetëdijes për ambientin e tyre rrethues. Çdo përvojë e komës është unike.

Kohë pas kohe, personi në koma mund t’i hapë sytë, të bëjë grimasa ose të nxjerrë zhurmë. Megjithatë, ata mund të mos jenë të vetëdijshëm për këto lëvizje ose të mos kenë kontroll në to.

Të jesh në koma do të thotë se personi ka një nivel të ulët të vetëdijes. Niveli i vetëdijes së pacientit varet nga ajo se sa prej trurit të tij është duke funksionuar, dhe kjo mund të ndryshojë me kalimin e kohës.

Për shembull, një person mund të fillojë në një komë shumë të thellë, duke qenë joreagues ndaj dhimbjes, dhe gradualisht mund të rikuperohet në një koma më të lehtë, kur reagon ndaj dhimbjes. Me kalimin e kohës personi mund të vazhdojë të përmirësohet dhe të arrijë gjendjen kur është plotësisht i vetëdijshëm për ambientin rrethues dhe mund të fillojë të komunikojë.

Aftësia për të bërë një reagim dukshëm të vetëdijshëm ndaj instruksioneve të jashtme tregon se ai person nuk është më në koma.

Mjekët e matin nivelin e vetëdijes së personit duke përdorur një metodë të quajtur shkalla e Glasgow Coma. 
Ata monitorojnë këtë nivel vazhdimisht për të kërkuar shenja të përmirësimit ose dëmtimit. Shkalla e Glasgow Coma vlerëson tre gjëra:

• Hapjen e syve – shkalla 1 do të thotë nuk ka hapje, dhe shkalla 4 do të thotë se sytë hapen spontanisht;
• Përgjigja verbale ndaj komandave – 1 do të thotë nuk ka përgjigje, dhe 5 do të thotë i vetëdijshëm dhe që flet;
• Lëvizje të vullnetshme në përgjigje të një komande – 1 do të thotë nuk ka përgjigje, dhe 6 do të thotë komanda të zbatueshme.

Sa më shumë pikë në shkallën e vlerësimit do të thotë se më pak funksione të trurit janë humbur. Një rezultat prej 8 ose më pak pikësh, shpesh përdoret për të treguar se dikush është në një koma relativisht të thellë.

Edhe pse një person që është në komë më të thellë në përgjithësi ka rezultat më të dobët në test, duket të kihet parash se i rëndësishëm në përcaktimin e rikuperimit të tyre është edhe shkaktari i komës. Për shembull, një person i ri i cili ka marrë alkool ose barna qetësuese në dozë të tepruar, mund të fillojë me një komë të thellë, por mund të bëjë një rikuperim shumë të mirë me një kujdes të duhur mjekësor.

Një person në koma mund të mos jetë në gjendje të ruajë funksionet normale të trupit. Për shembull, ata mund të mos jenë në gjendje të marrin frymë pa ndihmë dhe mund të mos keni presion stabil të gjakut.

Kujdesi për një person në koma nënkupton sigurimin se gjendja e tyre është stabile dhe se funksionet jetike të organizmit, si frymëmarrja dhe presioni i gjakut, janë të ruajtura, derisa sëmundja shkaktare të trajtohet.

Stafi mjekësor do të përpiqet të parandalojë infeksionet, të ofrojë një të ushqyer të mirë dhe të parandalojë plagët e të qëndruarit shtrirë duke ndërruar pozitën e personit rregullisht.

Së paku në fazat e hershme, shumica e njerëzve në koma do të dërgohen për trajtim në njësinë e kujdesit intensiv.

Përvoja e të qenit në koma ndryshon nga njëri te personi tjetër dhe po ashtu varret sa e thellë është koma.

Disa njerëz i mbajnë mend ngjarjet që kanë ndodhur rreth tyre derisa ata kanë qenë në koma, derisa të tjerët jo. Shumica e kujtimeve lidhen me periudha kur personi ka qenë në dalje nga koma.

Disa persona kanë raportuar ndjenjë të fuqishme sigurie nga prania e një të dashuri kur kanë dalë nga koma, dhe pikat e shpjeguara më poshtë tregojnë se çfarë mund të bëjë një person kur viziton një person në koma.

• Kur arrini për të vizituar një person në koma, tregoni kush jeni dhe në përgjithësi flisni pozitivisht.
• Flisni me ta për ditën tuaj që keni kaluar, siç do të bënit normalisht.
• Të jeni të vetëdijshëm se gjithçka që thoni para tyre, mund të dëgjohet.
• Tregoni dashurinë dhe mbështetjen tuaj – edhe vetëm duke u ulur dhe mbajtur dorën e tyre mund të jetë një ndjenjë e madhe komforti.
• Ju mund t’ua lëshoni muzikën e tyre favorite përmes dëgjueseve të veshëve.