Herpesi gjenital është një infeksion virusal i zakonshëm që prek një në 8 të rritur. Megjithatë, shumë njerëz me herpesin gjenital, nuk kanë simptoma ose nuk i kanë përcaktuar simptomat e tyre si simptoma të infeksionit të herpesit.

2. Vetëm njerëzit imoralë bartin herpesin gjenital

E GABUAR

Herpesi gjenital  është një infeksion seksualisht i transmetueshëm (STI), dhe shansi i marrjes së tij rritet, me numrin e partnerëve seksualë, që ju keni pasur në jetë. Megjithatë, ju mund ta merrni atë edhe nëse ju keni pasur vetëm një ose dy partnerë seksi. Në kontrast me STI-të e tjera, virusi i herpesit gjenital, vazhdon në trup për një kohë të pacaktuar dhe mund të bartet për shumë vite, ose ndoshta për gjithë jetën.

3. Prezervativët parandalojnë herpesin gjenital

E GABUAR

Prezervativët reduktojnë rrezikun e zhvillimit të herpesit gjenital dhe ato duhet të përdoren, por ato nuk e largojnë plotësisht rrezikun. Kjo ndodh për shkak se prezervativët nuk mbulojnë të gjithë zonën në të cilën është përhapur virusi.

4. Ju gjithmonë e dini se kur keni herpes gjenital pasi keni dhimbje

E GABUAR

Herpesi gjenital prek njerëz të ndryshëm në mënyra të ndryshme – disa njerëz kanë ulcerë, por disa të tjerë nuk kanë fare simptoma. Vetëm një numër i vogël njerëzish me herpesin gjenital e njohin infeksionin. Pjesa më e madhe e njerëzve me infeksionin e herpesit gjenital, kanë disa simptoma, por nuk e dinë shkakun e herpesit, ndërkohë që të tjerët nuk kanë asnjë simptomë.

5. Herpesi gjenital nuk mund të trajtohet

E GABUAR

Edhe pse herpesi gjenital nuk mund të kurohet, ajo është një gjendje e menaxhueshme, që mund të trajtohet. Tabletat antivirale mund të ndihmojnë në ndalimin e virusit të herpesit gjenital nga shumëfishimi dhe mund të ndihmojnë në ndalimin e ripërsëritjes dhe në reduktimin e mundësisë së transmetimit të herpesit gjenital tek partneri.

6. Herpesi gjenital mund të shkaktojë kancerin e qafës së mitrës

E GABUAR

Herpesi gjenital  nuk është i lidhur me kancerin e qafës së mitrës. Kanceri i qafës së mitrës është i lidhur me një virus tjetër, që quhet HPV (human papiloma virus). Ky virus është gjithashtu seksualisht i transmetueshëm. Gratë duhet të bëjnë Pap teste të rregullta për të zbuluar shenjat e hershme të kancerit të qafës së mitrës.

7. Një test i plotë STI-je zbulon herpesin gjenital

E GABUAR

Një test i plotë STI-je, nuk përfshin domosdoshmërisht, një test për herpesin gjenital. Mënyra më e mirë për të bërë diagnozën e herpesit gjenital  është duke shkuar tek mjeku kur simptomat shfaqen. Një ekzemplar do të merret dhe do të dërgohet për analizë në laborator.

8.Herpesi gjenital mund të transmetohet vetëm nëpërmjet seksit penetrues

E GABUAR

Virusi i herpesit gjenital është transmetuar nëpërmjet kontaktit të ngushtë fizik. Kjo mund të jetë nëpërmjet kontaktit gjenital ose kontakteve të tjera të lëkurës, me zonën gjenitale, që nuk janë domosdoshmërisht seksi vaginal dhe anal. Herpesi gjenital  mund të transmetohet edhe nëpërmjet seksit oral kur njëri nga partnerët ka një plagë.

9. Herpesi gjenital mund të transmetohet vetëm kur ju keni dëmtime

E GABUAR

Virusi i herpesit gjenital mund të transmetohet shumë thjeshtë edhe kur ekziston ulcerë. Megjithatë shumë transmetime ndodhin edhe kur nuk ekzistojnë dëmtimet në trup. Kjo ndodh për shkak se shpesh, virusi i herpesit, është transmetuar edhe kur nuk ekzistojnë fare simptomat.

10. Nëse ju jeni në një marrëdhënie monogame dhe merrni herpesin gjenital, partneri juaj është duke kryer marrëdhënie seksuale me dikë tjetër

E GABUAR

Kjo nuk do të thotë domosdoshmërisht se partneri juaj është duke kryer marrëdhënie me dikë tjetër. Ju ose partneri juaj, mund ta keni marrë herpesin gjenital, shumë kohë më parë nga një partner tjetër dhe nuk keni qenë në dijeni. Simptomat e herpesit gjenital mund të jenë të buta dhe mund të mos vihen re. Virusi qëndron në trupin tuaj dhe mund të transmetohet, p.sh. gjatë gjithë jetës.