Gjuri është nyja më e madhe e trupit tuaj, që formon një menteshë midis kockës së kofshës (femurit) dhe kockave të pjesës së poshtme të këmbës—tibia (kerciri) dhe fibula.

Muskuj të fortë ose qeliza fibroze që quhen ligamente ndihmojnë në stabilizimin e nyjes së gjurit dhe bëjnë të mundur që kockat të bashkohen me gjurin.

Ka dy grupe kryesore ligamentesh në nyjen e gjurit: ligamentet kolaterale, që janë nga ana e jashtme e gjurit dhe ligamentet kruciate që janë nga brenda nyjes së gjurit.

Ligamentet kolaterale

Ligamenti lateral  kolateral forcon nyjen e gjurit në anën e jashtme të gjurit. Është midis kockës së kofshës (femurit) dhe pjesë së sipërme të fibulës—kocka e hollë dhe e gjatë në pjesën e jashtme të kërcirit kryesor.

Ligamentet mediale kolaterale forcojnë nyjen e gjurit në anën e brendshme të gjurit. Është midis femurit dhe pjesës së fillimit të tibias por brenda saj.

Së bashku me ligamentet kolaterale bëjnë rezistencën për lëvizjet e nyjes së gjurit nga njëra anë në tjetrën dhe ndihmojnë në parandalimin e rotacionit midis kockës së kofshës dhe kërcirit.

Ligamenti lateral kolateral mund të dëmtohet kur gjuri rrotullohet, goditet në anën e brendshme ose sforcohet nga ana e jashtme kur këmba shtyhet nga brenda. Rrallë mund të ndodhë që ligamenti lateral kolateral të dëmtohet vetë dhe zakonisht shoqëron dëmtimin e ligamenteve të tjerë të gjurit.

Dëmtimet e ligamentit medial kolateral janë më të shpeshta dhe mund të vijnë nga një goditje direkte e gjurit, përdredhje e gjurit ose nga një forcë që e shtyn këmbën përpara dhe gjurin prapa.

Ligamentet kruciate

Ligamentet kruciate janë masa qelizore të shkurtra dhe të forta fibroze që kryqëzojnë çdo pjesë të brendshme të gjurit tuaj dhe bashkojnë tibian me femurin. Emrat e tyre janë në përputhje me pjesën ku ato bashkohen me fillimin e tibias.

Ligamenti kruciat anterior (ACL) del nga pjesa ballore e tibias, kthehet prapa dhe pak nga jashtë për në bazën e femurit. Ky ligament ndalon kërcirin të lëvizë përpara kockës së kofshës.

Ligamenti krucial posterior (PCL) del nga pjesa e prapme e tibias, shkon përpara dhe më tej lehtësisht prapa për në bazën e femurit. Ky ligament ndalon kockën e kërcirit të lëvizë pas, për në kockën e kofshës. Ky ligament  është më i fortë se ACL.

Dëmtimi i ligamentit kruciat anterior është një dëmtim shumë i zakonshëm sportiv. Një dëmtim i ACL mund të ndodhë kur ndryshoni drejtim shpejt, ndalon kur je duke vrapuar, bie në tokë kur hidhesh, ose merr një goditje direkte në gju.

Plagosjet e ligamentit kruciat posterior janë më të rralla. Ato mund të ndodhin nëse gjuri është mbi rënduar ose mbigoditur ose kerciri shtyhet me forcë.

Dëmtimi i ligamentit kruciat anterior është më shumë një plagosje serioze sesa një dëmtim tjetër ekuivalent i ligamenteve të tjera të gjurit, sepse ndikon në mënyrë të drejtpërdrejtë në qëndrueshmëri dhe shpesh është e nevojshme të bëhet ndërhyrje kirurgjikale.

Dëmtimi pjesor ose i plotë i kruciateve posteriore të ligamenteve kolaterale shpesh mund të kalojë me një program rehabilitimi të detajuar. Megjithatë, nëse dëmtohet më shumë se një ligament, është e nevojshme të bëhet operacion.