Shumë njerëz e gjejnë veten e tyre duke përdorur kompjuterin për një pjesë të madhe të ditës. Arredimi dhe dizajni i dobët në vendin e punës mund të kontribuojnë për lëndimet dhe sëmundjet. Ju mund të korrigjoni lartësinë e karriges, pajisjet dhe qëndrimin e duhur në tavolinë.

Ergonomia lidhet me  studimin sesi ne të ndërveprojnë me ambientin tonë të punës dhe sesi këto ndërveprime mund të përmirësohen në mënyrë që edhe mirëqenia jonë të jetë maksimalisht e mirë.

Disa faktorë që duhen marrë parasysh kur rregullohet vendi i punës janë:

Karrigia

Idealisht, përdorni një karrige të kthyeshme. Rrotat me të cilat është e pajisur karrigia duhet të jenë të mirë përshtatura në qilim (tapet). Në një sipërfaqe të lëmuar, rrotat janë shumë të paqëndrueshme, karrigia duhet të jetë e pajisur me këmbë të qëndrueshme (këmbë të rrafshuara në formë vezake).

Rregulloni lartësinë e karriges në mënyrë që këmbët të pushojnë të qeta në dysheme. Nëse kjo e bën karrigen shumë të ulët në lidhje me tavolinën, përdorni një mbështetëse këmbësh dhe ngrijeni karrigen deri në lartësinë e dëshiruar.

Rregullimi korrekt i karriges mund t’ju ndihmojë që të keni qëndrimin e duhur dhe të merrni presionin e duhur të shpinës. Kur uleni, gjunjët duhet të jenë rreth nivelit të ijeve tuaja, dhe karrigia nuk duhet të shtypë në pjesën e prapme të gjunjëve.

Shtylla juaj duhet të jetë e drejtë dhe shpatullat tuaja prapa. Nëse karrigia nuk mund të jetë e rregulluar, në mënyrë që shpina juaj të jetë e drejtë, vendosni një jastëk me kurbë në shpinë dhe në pjesën e pasme të karriges.

Monitori

Monitori duhet të jetë afërsisht një dorë larg. Fillimi i ekranit duhet të jetë në nivelin e shikimit, ose vetëm pak poshtë në mënyrë që të shihet drejt gjatë punës. Njerëzit të cilët vënë lente tentojnë që të shohin nëpërmjet pjesës së fundme të lenteve. Kjo i bën ata të anojnë kokën e tyre prapa. Kjo lodh muskujt që mbështesin kokën. Nëse i vini lentet, ka disa mënyra për të adresuar këtë problem:

• Poziciononi monitorin më ulët se normalisht për të kompensuar nevojën e të parit përmes fundit të lenteve tuaja;
• Ngrini karrigen derisa të mund të shikoni monitorin pa e shtyrë kokën pas;
• Kur punoni në kompjuter, përdorni një palë syze me një gjatësi fokale të projektuar për punën e kompjuterit.

Për të shmangur shkëlqimin verbues dhe reflektimet, monitori nuk duhet të jetë drejtpërdrejt përballë me dritaren. Nëse ekrani është duke reflektuar dritën, ia vlen që të eksperimentoni me dritat lart dhe grilat e dritares, për të reduktuar këto reflektime. Kthimi i monitorit pak më poshtë mund të ndihmojë. Ju duhet gjithashtu të rregulloni ndriçimin e monitorit për një nivel të rehatshëm.

Edhe me këto rregullime, muskujt e syve mund të lodhen sidomos kur bëni një punë shumë të gjatë. Mos harroni të pushoni çdo 10 minuta apo më shumë duke shikuar larg në distancë.

Tavolina

Zona e tavolinës duhet të jetë e thellë në mënyrë të mjaftueshme për të akomoduar monitorin në distancë të përshtatshme dhe për të vendosur pranë gjërat që përdorni më shpesh. Sigurohuni që çdo gjë që ju duhet, të jetë pranë jush në mënyrë që të mos zgjateni. Ngrihuni nëse duhet që të merrni gjërat që janë larg. Një tavolinë me ngjyrë mat ndihmon për të minimizuar shkëlqimin verbues.

Tastiera

Kur jeni duke përdorur tastierën, duhet ti keni  krahët tuaj horizontalisht dhe kyçet e duarve drejt. Kjo do të thotë që duart nuk duhen vendosur lart. Bërrylat duhet të jenë afër me trupin. Tastiera duhet të jetë në një linjë me monitorin dhe para jush.

Pushimi i kyçeve

Nëse vendi juaj i punës është strukturuar siç duhet, një pushim i kyçit të dorës nuk do të jetë i nevojshëm.

Mausi

Mausi duhet të përshtatet me madhësinë e dorës në mënyrë që të jetë e rehatshme për të punuar me të. Dora duhet të jetë në një pozicion neutral (që të marrë çdo drejtim të dorës). Është gjithashtu një ide e mirë që të poziciononi mausin në tavolinë në mënyrë që pesha e krahut të jetë e mbështetur në tavolinë.

Telefoni

Poziciononi telefonin në mënyrë që të kryeni detyra të thjeshta të tilla si marrja e shënimeve pa përkulje ose pa mbajtjen e telefonit në shpatullat tuaja. Kjo do të thotë se kordoni duhet të jetë i gjatë mjaftueshëm.

Nëse jeni duke e përdorur shpesh telefonin në punë, ose nëse keni nevojë për të bërë detyra të tjera të tilla si shtypje dhe telefon në të njëjtën kohë, një kufje është e rekomanduar.

Laptopët dhe libri i shënimeve

Laptopët janë dizenjuar për përdorim afatshkurtër, megjithatë, njerëzit shpesh i përdorin ato në një lartësi pune të papërshtatshme. Ka disa mënyra për të adresuar këto probleme:

• Vendosni laptopin në një vend pune të përshtatshme;
• Nëse jeni duke punuar për një kohë të gjatë, transferoni informacionin në desktopin e kompjuterit;
• Kur punoni në kompjuter ndërgjegjësohuni për qëndrimin dhe thyeni kohën me disa pushime për kryerjen e aktiviteteve;
• Përshtateni tastierën në mënyrë të tillë që të mos ju duhet që të shikoni poshtë.

Qëndrimi, lëvizja dhe shtriqja

Ndryshoni qëndrimin tuaj për të minimizuar lodhjen. Është një ide e mirë për të marrë pushime të vogla, që të mund të keni mundësinë që të lëvizni, dhe për të mundur të përzieni detyrat tuaja gjatë ditës. Kjo kurajon lëvizjen e trupit dhe përdorimin e muskujve të ndryshëm. Shtriqja e qafës, shpatullave dhe kyçeve është gjithashtu e rekomandueshme disa herë në çdo ditë pune.