Në qoftë se po përpiqeni të keni fëmijë, shëndeti është një gjë e rëndësishme për baballarët e ardhshëm sa është edhe për nënat e ardhshme. Kërkohet që edhe burrat edhe gratë të ndjekin me kujdes zakonet e tyre për shëndetin, që nga mbajtja e një peshe të shëndetshme e deri tek reduktimi i stresit të panevojshëm. Këtu janë disa marifete për të rritur pjellorinë e burrave dhe për ta bërë mbetjen shtatzënë më shumë lojë se sa punë.

Për të optimizuar pjellorinë, burrat duhet ta përgatisin trupin e tyre 3 muaj para se të përpiqen të konceptojnë. Provoni këto marifete për t’i pasur shanset nga ana juaj:

1. Humbisni peshë. Një indeks ideal i masës trupore, shton testosteronin, duke përmirësuar sasinë e spermës dhe libidon.
2. Lini duhanin. Tymosja e ul pjellorinë.
3. Bëni një pushim nga ngarja e biçikletës. Të ngasësh biçikletën mbi 12 orë në javë ushtron një presion suplementar mbi testikujt.
4. Mos bëni banjë në vaskë me ujë të nxehtë. Sperma nevojitet të qëndrojë e freskët për të qenë më e efektshme.
5. Mos e mbani laptopin në prehër. Nxehtësia e rrit temperaturën e spermës dhe mund të pakësojë numrin e spermatozoideve.
6. Provoni akupunkturën. Ajo mund të përmirësojë cilësinë dhe sasinë e spermës.
7. Mos përdorni lubrifikantë gjatë seksit. Xheli e bën spermën të lëvizë me vështirësi.
8. Ndiqni një film me seks. Ai e rrit sasinë e testosteronit dhe përmirëson sasinë dhe cilësinë e spermës.
9. Bëni seks një herë në ditë. Veçanërisht gjatë ovulacionit, abstinenca prej një dite e ul lëvizshmërinë e spermës.
10. Bëni dashuri në pozicionin e misionarit. Graviteti ju mbështet e ju ndihmon.

Siç mund ta shihni, testikujt janë idhnakë kështu që trajtojini ato me shumë butësi kur po përpiqeni të konceptoni një fëmijë. Përveç marifeteve për ruajtjen e spermës disa mjekë rekomandojnë të mbani mbathje të lirshme dhe pantallona të gjera. Gjithashtu është stresi që ndërhyn në prodhimin e spermës, pra është më e mira që tensioni të mbahet në minimum duke fjetur shumë dhe duke eliminuar stresuesit e njohur atje ku mundeni. Edhe ushtrimet fizike ndihmojnë për të ulur nivelet e hormonit kortizol si dhe për të ulur presionin e gjakut e për të shtuar rrjedhjen e tij për tek organet riprodhues. Po ashtu mbajtja e një diete të shëndetshme për pjellorinë plot me antioksidues, omega-3 dhe vitamina A, C dhe E. Burrat duhet të marrin për ditë multivitamina për t’u siguruar që i marrin të gjithë lëndët ushqimore që u nevojiten.