Për shumë gra, të ndjerit e një gjëndre në gjoksin(et) e tyre mund të jetë një eksperiencë shumë e frikshme. Për pjesën më të madhe të grave, mendimi i tyre i parë është kancer. Megjithatë, duhet kuptuar që pjesa më e madhe e gjëndrave nuk janë kanceroze. Ato zakonisht janë tumor-e beninje (jo malinje) ose ciste që nuk pushtojnë qelizat ose shkatërrojnë indet e trupit apo shpërndahen në pjesë të tjera të trupit. Më poshtë do të gjeni shembujt e ketyre gjëndrave të gjoksit.

Fibroadenoma

Fibroadenoma ndodh kryesisht tek gratë nën moshën 30 vjeçare dhe ajo është e përbërë nga gjendje fibroze dhe glandulare. Ato janë të dhimbshme dhe zakonisht lëvizin lirisht nën indet e gjirit. Fibroadenomat nuk janë të lidhura me një rrezik të lartë për kancerin e gjirit dhe nëse është e nevojshme mund të hiqen, por gjithmonë kontrolloni me doktorin tuaj gjëndrat e gjirit.

Cistet e gjirit

Cistet janë rritje beninje që ndodhin në gjinjtë e shumë grave. Ato janë qeska të mbushura me lëng që zakonisht janë të dhimbshme ose të ndjeshme ndaj prekjeve, veçanërisht gjatë javëve përpara periodave të femrave. Me kalimin e kohës ato mund të ndryshojnë masën dhe mund të zhduken dhe të shfaqen përsëri. Këto ciste mund të ndodhin afër sipërfaqes së lëkurës ose thellë brenda gjoksit. Kur cistet janë të dhimbshme, doktorët mund t’i trajtojnë këto lloje gjëndrash duke vendosur një gjilpërë në gjëndër dhe duke tërhequr lëngun. Zakonisht lëngu dërgohet për ekzaminim në laborator. Ndonjëherë cistet janë hequr në mënyrë kirurgjikale nëse brenda mureve të saj ose afër po zhvillohet kancer. Gjëndrat e gjirit që nuk largohen duhet të testohen me një biopsi.

Tumoret beninje të kanaleve të qumështit

Tumor-et beninje të kanaleve të qumështit ndodhin brenda pjesëve të gjirit, ku qumështi i gjirit mund të rrjedhë dhe mund të shkaktojë një shkarkim nga thimthat. Doktori juaj duhet të ekzaminojë këto gjëndra, që zakonisht janë ndjerë pas dhe shumë afër thimthave të gjoksit dhe ju mund të keni nevojë për një biopsi të gjirit nëse ka ndonjë shkarkim gjaku. Doktori gjithashtu duhet t’ju rekomandojë nëse gjëndra ose kanalet e qumështit duhet të hiqen në mënyrë kirurgjikale. Një shkarkim gjaku nuk është një indikacion i kancerit të gjirit, por gjithmonë duhet kontrolluar.

Testet e kryera mbi gjëndrat e gjirit

Ekzistojnë një sërë testesh që duhet të kryhen për të përcaktuar nëse kanceri i gjirit është beninj.

• Ultratingulli – ky test përdor valë me frekuencë të lartë dhe përdoret shpesh për të përcaktuar nëse gjëndra është e mbushur me lëng (që zakonisht është e dhimbshme) ose solide;
• Aspirimi i gjilpërave – zakonisht ka të bëjë me rastet kur një gjilpërë vendoset direkt në gjëndër për të hequr lëngun ose qelizat;
• Biopsia –  kur merret një mostër e indeve të gjoksit dhe më pas ekzaminohet mikroskopikisht. Testi është konsideruar që të jetë mënyra më e përshtatshme për të përcaktuar llojin e indeve të gjirit. Indet e gjirit marren edhe nëpërmjet gjilpërës ose në mënyrë kirurgjikale (biopsia e gjilpërës ose biopsia kirurgjikale).
• Mamografia – kjo është një rreze X e gjirit e cila përdoret për të zbuluar abnormalitetet. Ky lloj testi është përdorur zakonisht si një test skanimi për gratë që nuk kanë simptoma.