Me rritjen e moshës, këmbët fillojnë të zhvillojnë më shumë probleme. Por dhimbja e këmbëve dhe parehatia nuk është një pjesë natyrale e rritjes së moshës. Mundet të bëhet shumë për të përmirësuar rehatinë, liruar dhimbjet dhe për të mbajtur të shëndetshme këmbët.

Pasqyrat e shëndetit

Kjo gjendje e këmbëve tuaja jep indikacione të hershme të kushteve të tilla si artriti, diabeti dhe sëmundjet e qarkullimit të gjakut. Për këtë arsye, këmba e njeriut nganjëherë quhet “pasqyrë e shëndetit”. Kontrolloni për shenja të tilla si lëkurë të thatë, thonjë të brishtë, djegie dhe ndjesi shpimi gjilpërash, ndjenjat e të ftohtit, mpirje dhe njolla. Gjithmonë kërkoni mendimin e podiatristit tuaj, kur ndonjë nga këto shenja ndodhin.

Problemet e këmbëve mund të parandalohen

Me kalimin e moshës, këmbët tona priren për të përhapur dhe të humbasin pjesën yndyrore, të cilat zbusin pjesën e poshtme të këmbëve. Nëse jeni duke mbajtur peshë ekstra, kjo mund të ndikojë edhe në kockë dhe në strukturën e ligamenteve. Shumë njerëz, duke përfshirë edhe njerëzit e moshuar, besojnë se është normale për këmbët që të lëndohen. Ka më shumë se 300 kondicione të ndryshme të këmbëve. Disa janë të trashëguara, por për njerëzit e moshuar, shumica rrjedhin nga ndikimi i viteve të përdorimit. Megjithatë, edhe në mesin e njerëzve që dalin në pension, shumë probleme të këmbëve mund të trajtohen me sukses. Njerëzit e moshuar duhet të masin më shpesh këmbët e tyre për madhësinë e këpucëve, në vend që të supozojnë se numri i tyre i këmbës do të qëndrojë i njëjtë. Lëkura e thatë dhe brishtësia e thonjve janë kushte të tjera që njerëzit e moshuar zakonisht përballen. Duke u kujdesur mirë për shëndetin tuaj të këmbëve ka shumë përfitime duke përfshirë edhe rritjen e komoditetit tuaj, duke kufizuar mundësinë e problemeve të tjera mjekësore, duke e zvogëluar mundësinë tuaj të hospitalizimit për shkak të infektimit dhe duke ju mbajtur aktiv.

Vazhdoni të ecni

Lëvizshmëria mund të jetë një problem për njerëzit e moshuar, e lidhur ende me kujdesin e këmbëve dhe vëmendjen për çfarëdo lloj problemi. Podiatristët ofrojnë shërbime të përcaktuara për të ndihmuar njerëzit e moshuar që të kujdesen për këmbët e tyre duke shërbyer nëpër spitale, qendrat shëndetësore ashtu sikundër edhe në praktikat private.

Këshillat e shëndetit të këmbëve

• Këpucët e përshtatshme për këmbët tuaja janë shumë esenciale. Me kalimin e moshës do ta keni edhe më të nevojshme përdorimin e këpucëve që janë të përshtatshme për këmbët tuaja dhe që ju krijojnë komoditet.
• Të ecurit është ushtrimi më i mirë për këmbët tuaja.
• Çorapet duhet të jenë në madhësinë e duhur.
• Perveç se në plazh, shmangni të ecurën zbathur, madje edhe në shtëpinë tuaj.
• Mos vishni çorape ose geta të ngushta pasi ndikojnë tek qarkullimi.
• Mos i prisni anjëherë kallot vetë me gjëra të mprehta, përveç mjeteve që janë rekomanduar nga mjeku juaj.
• Lajini çdo ditë këmbët tuaja me ujë të vakët (jo të ngrohtë), duke përdorur një sapun të butë.
• Pritini thojntë tuaj të gjitha drejt.
• Kontrolloni çdo ditë këmbët tuaja, ose lejojini dikujt që ta bëjë këtë për ju. Nëse vini re ndonjë skuqje ose prishje të lëkurës, kontaktoni menjëherë mjekun tuaj.
• Lejoni që këmbët tuaja të ekzaminohen të paktën njëherë në vit tek mjeku.

Kujdesi i thonjve

Të mbajturit e thonjve tuaj të prera dhe nën kontroll do t’ju ndihmojë që të qëndroni në lëvizje. Akoma një pjesë e mirë e njerëzve të moshuar e gjejnë prerjen e thonjve një problem, si rezultat i vështirësive për t’u përkulur. Nëse i prisni ato vetë, sigurohuni që t’i prisni ato drejt dhe me një formë të rregullt.