Ndjesia e djegies tek shputat e këmbëve mund të shkaktohet nga dëmtimi i nervave të këmbëve, që ndryshe quhet neuropati. Shumë sëmundje mund të shkaktojnë këtë ndjesi djegie tek shputat e këmbëve, por diabeti është nje nga shkaqet kryesore. Pjesa më e madhe e kurave për këtë gjendje mjekësore fokusohen tek parandalimi i dëmtimeve të mëtejshme të nervave dhe lehtësimi i dhimbjes që ato sjellin.

Shkaqet e djegies tek këmbët

Zakonisht neuropatia, dëmtimi i nervave, është shkaku kryesor i djegies tek këmbët. Fibrat e dëmtuara të nervave mund të bëhen hiperaktive dhe humbin funksionin e tyre. Nervat e dëmtuara i dërgojnë sinjale të paqena dhimbjeje trurit edhe pse nuk ka ndonjë dëmtim apo plagë. Tek shumica e njerëzve me neuropati, nervat e këmbëve dëmtohen në fillim tek mbaresat më të largëta nervore. Këta njerëz ndonjëherë përjetojnë dhe cimbime dhe mpirje të këmbëve.
Diabeti është deri tani shkaku kryesor i djegies së këmbëve. Ka dhe shumë gjendje mjekësore që shkaktojnë neuropati si:

Përveç neuropatisë, infeksionet dhe inflamacioni i këmbëve mund të japë dhe një ndjesi djegie. Më e rëndomta nga këto infeksione është dhe ajo që njihet si këmbët e atletit, një infeksion i lëkurës që shkaktohet nga myku.
Sëmundja e arterieve periferike gjithashtu mund të shkaktojë djegie të këmbëve. Qarkullimi i pakët i gjakut tek pjesa e këmbëve mund të shkaktojë dhimbje, cimbim dhe ndjesi djegie, veçanërisht kur ecim.
Disa njerëz, pas disa javëve ose muajsh mbasi i janë nënshtruar një operacioni bypass gastrik, përjetojnë djegie tek këmbët. Përthithja e pakët e vitaminës B mbas këtij operacioni mund të shkaktojë neuropati dhe ndjesinë e djegies tek këmbët.

Diagnostikimi i djegies tek këmbët

Shumica e njerëzve që vuajnë nga djegia tek këmbët, kanë një shkak (diabeti) i cili mund të identifikohet. Për këta njerëz, diagnoza e djegies tek këmbët që vjen si pasojë e neuropatisë është qartësishit e përcaktuar dhe nuk nevojiten teste të mëtejshme.
Për disa pacientë të tjerë djegia e të cilëve është e menjëhershme po përkeqësohet shumë shpejt apo nuk ka një shkak të qartë, nevojiten ekzaminime të mëtejshme.
Këto teste përfshijnë:

Kurat për djegien e këmbëve

Trajtimi më i rëndësishëm për djegien e këmbëve, të shkaktuar nga neuropatia, është ndalimi i çdo dëmtimi të mëtejshëm të nervave.
Për njerëzit me neuropati diabetike (këmba diabetike), kjo përkthehet në mbajtje të niveleve nomale të sheqerit në gjak. Kjo kërkon ndryshime në dietë, medikamente nga goja dhe ndonjëherë injeksione insuline.
Parandalimi i dëmtimeve të nervave është njëlloj i rëndësishëm dhe për njerëzit që vuajnë nga forma të tjera të neuropatisë, që kanë shkaktuar djegie tek këmbët.
Ja disa nga trajtimet specifike të këtyre neuropative:

Një hap tjetër për të trajtuar këtë sëmundje është lehtësimi i dhimbjes dhe ndjesive të tjera anormale që shkakton neuropatia. Po ju tregojmë disa nga medikamentet më të zakonta që përdoren për këtë qëllim:

Për disa njerëz që përjetojnë një shqetësim të thellë nga ndjesia e djegies në këmbë, nevojiten disa lloje të tjera medikamentesh. Barnat pa recetë si advili, aleve, motrin IB apo tylenoli e zbusin dhimbjen për shumë njerëz që vuajnë nga djegia në këmbë. Për ata që kanë dhimbje të forta nevojiten medikamente me recetë si tramadoli (ultram) dhe opiatet (narkotikë që përmbajnë opium) nevojiten për të zbutur simptomat.
Për ndjesinë e djegies të shkaktuar nga këmbët e atletit, medikamentet kundër mykut e kurojnë infeksionin dhe ju largojnë simptomat. Medikamentet pa recetë si terbinafina (lamisil AT) ose mikonazoli (mikatin) janë të parat që duhet të përdoren. Medikamentet me recetë si naftifinat (naftin), itrakonazoli (sporanox) dhe flukonazoli (dflucan) janë të vlefshme nëse simptomat janë më të rënda.