Një infeksion mykotik i thonjve është një myk i cili futet në thonjtë e gishtave të dorës, të këmbës apo në lëkurën nën thoin tuaj, zakonisht përmes një prerje të vogël.

Thoi i infektuar i këmbës zakonisht merr një ngjyrë të bardhë apo të verdhë. Disa herë, ai është i dhimbshëm.

Thonjtë e këmbëve që ekspozohen ndaj lagështisë dhe të ngrohtit shumë, kanë më shumë të ngjarë që të infektohen nga një myk. Kjo mund të ndodhë nga përdorimi i këpucëve me djersë e shpesh edhe nga ecja këmbëzbathur në dyshemenë e banjës.

Myku i thonjve të këmbës zakonisht nuk ka nevojë për trajtim, përveç rastit kur shkakton dhimbje. Shpesh ai përsëritet edhe pasi është pastruar.

Çfarë e shkakton atë?

Infektimet mykotike mund të shkaktohen nga tre lloje të ndryshme myku, të vetme apo në kombinim me njëri tjetrin:

• Dermatofitet janë një lloj myku i cili mund të rritet në lëkurë dhe në thonj. Ato nuk pushtojnë indet më të thella të trupit. Dermatofiti më i zakonshëm, Trichophyton rubrum shkakton shumicën e rasteve të sëmundjes që quhet këmba e atletit. Kjo nga ana e vet mund të infektojë thonjtë e gishtave të këmbëve. Ju mund të infektoheni nga kontakti me objektet që kanë dermatofite në to, si veshje, këpucë, gërshërët, limat e thonjve, dysheme të banjave dhe depove dhe qilima. Dermatofitet shkaktojnë pothuaj të gjithë infeksionet mykotike të thonjve të këmbëve.
• Tharmet janë një lloj myku që rritet në lëkurë dhe në thonj. Ata janë të pranishëm normalisht në trupin e njeriut. Një sëmundje, antibiotikët dhe përdorimi i pilulave për kontrollin e lindjeve, si edhe probleme të sistemit imun mund të lejojnë një rritje të tepruar të tharmeve, gjë që çon në infeksion.
• Myshqet (të quajtura shpesh jo dermatofite) janë një lloj myku që zakonisht rritet në dhe e mund të rritet në lëkurë dhe në thonj. Ato zakonisht nuk transmetohen nga një njeri tek tjetri.

Ju mund ta merrni një infeksion mykotik kur bini në kontakt me mykun dhe ai fillon të rritet mbi apo nën thoin tuaj. Myshqet rriten më mirë në zonat e ngrohta, të lagështa, siç është zona rreth gishtave të këmbëve. Por ju mund të keni myshqe edhe pa marrë infeksion nga thonjtë. Duhet që ju të jeni i prekshëm që ta merrni infeksionin dhe ai të zhvillohet. Në qoftë se jeni i prekshëm ndaj infeksioneve të myshqeve, ato kanë prirje të përsëriten edhe pas nj trajtimi të suksesshëm dhe veçanërisht në qoftë se ju nuk ndërmerrni hapa parandalues.

Nuk është e qartë se përse disa persona janë më të prekshëm se sa të tjerët nga infeksionet mykotike.

Infeksionet mykotike të thonjve – Parandalimi

Pasi infeksioni mykotik i thonjve të jetë trajtuar me sukses, ndërmerrni hapa për të penguar që infeksioni të përsëritet.

• Para se të flini, lajini dhe thajini me kujdes këmbët ose duart. Pastaj përdorni një antimyk me përdorim lokal si terbinafine (Lamisil) oseciclopirox (Penlac) drejtpërdrejt në lëkurën ose në thoin tuaj. Përdoreni mjekimin lokal dy herë në javë, për një periudhë 1 apo 2 vjet.
• Mbajini të thata këmbët apo duart tuaja. Lëkura dhe thonjtë e thatë kanë më pak gjasa të infektohen. Përdorni pudër për t’i tharë ato.
• Përdorni çorape. Në qoftë se ato bëhen të lagura, ndërrojini për t’i mbajtur këmbët të thata.
• Përdorni sandale ose këpucë të thata, të bëra prej materialesh që e lejojnë lagështinë të largohet.
• Përdorni sandale ose pantofla kur përdorni një dush publik ose në një pishinë. Lërini ato të thahen ndërmjet përdorimeve.
• Mos i shkëmbeni këpucët, çorapet, gërshërët, ose limat e thonjve me të tjerët.
• Shmangni lëndimin e thonjve. Prerja tepër shkurt e thonjve është një shkak i zakonshëm i lëndimit. Në qoftë se mendoni të vini thonj artificialë ose të bëni manikyr, shkoni në një sallon që përdor instrumente sterile. Manikyri dhe disa produkte për thonjtë mund të dëmtojnë thonjtë apo lëkurën në bazën e tyre, duke i bërë më të prekshëm nga infeksioni.

Në qoftë se keni diabet, kujdesuni posaçërisht për këmbët tuaja, për të parandaluar infeksionet e thonjve. Dhe në qoftë se pini duhan, mundohuni ta lini atë.

Infeksionet mykotike të thonjve – Kur duhet thirrur mjeku

Thirreni mjekun tuaj për një vizitë të menjëhershme në qoftë se një infeksion mykotik i thonjve tregon shenja të një infeksioni bakterial, si:

• Dhimbje të shtuar, ënjtje, skuqje ose nxehtësi
• Breza të skuqur që zgjaten nga ajo zonë
• Rrjedhje qelbi
• Temperaturë mbi 37.78 gradë Celsius ose më e lartë pa asnjë shkak tjetër.

Thirreni mjekun tuaj për një vizitë në qoftë se simptomat janë shqetësuese për ju, si:

• Një infeksion mykotik duket se po përhapet në lëkurën poshtë thoit, vetë thoin ose në lëkurën që e rrethon
• Zona e infektuar është e dhimbshme
• Një thua i trashur i këmbës ju shkakton parehati
• Pamja e jashtme e thoit ju shqetëson.

Në qoftë se mendoni se keni një infeksion mykotik, vizitohuni tek mjeku. Ai mund ta kontrollojë thoin tuaj dhe të rekomandojë mënyrat për ta trajtuar atë. Pritja në roje është një qasje prit e shiko.

Në qoftë se bëheni më keq, ju dhe mjeku juaj do të vendosni çfarë duhet bërë më tej. Në qoftë se një thua është çngjyrosur ose dëmtuar, por nuk keni dhimbje, ju mund të vendosni të mos e trajtoni infeksionin. Medikamentet anti mykut nuk e garantojnë shërimin dhe mjekimet nga goja mund të jenë të kushtueshme dhe kanë efekte të mundshme anësore. Por trajtimi mund të ndalojë që infeksioni të shkaktojë dëmtime të përhershme të thoit dhe të rrisë shansin e një kurimi.

Ku duhet të vizitoheni

Profesionistët që mund të diagnostikojnë dhe trajtojnë një infeksion mykotik të thoit janë:

• Infermierët
• Ndihmës mjekët
• Mjekët e familjes
• Mjekët e sëmundjeve të brendshme
• Dermatologët
• Podhiatristët

Infeksionet mykotike të thonjve – Trajtimi

Nëse duhet trajtuar një infeksion mykotik i thonjve, kjo varet nga ju vetë. Për shembull, ju mund të vendosni të mos e trajtoni një infeksion të thoit, në qoftë se ai është çngjyrosur ose i dëmtuar por nuk keni dhimbje.

Trajtimi përfshin përdorimin e ilaçeve ose ndoshta heqjen e thoit të prekur. Shpesh trajtimi fillon me medikamentet kundër mykut. Një krem ose një shkëlqyes i thonjve mund të përdoret. Ju mund t’i blini vetë disa nga këto ilaçe, por keni nevojë për recetë për disa të tjerë.

• Kremrat kundër mykut dhe shkëlqyesit e thonjve mund të përdoren për infeksione të lehta deri mesatare dhe për të parandaluar infeksionin të përsëritet. Ato mund të parandalojnë gjithashtu këmbën e atletit nga përhapja në thonj. Këto ilaçe mund të mos funksionojnë si medikamentet nga goja.
• Medikamentet nga goja përdoren zakonisht për infeksione mykotike të thonjve, mesatare deri tek të rënda, të cilat është e vështirë të trajtohen. Ato ofrojnë shansin më të mirë për t’u kuruar.
• Largimi i një thoi të infektuar përdoret për infeksione të rënda ose të përsëritura. Largimi i thoit nevojitet rrallë. Ai mund të bëhet me apo pa ndërhyrje kirurgjikale.

Mjeku juaj do t’u rekomandojë një antibiotik me përdorim lokal apo nga goja, në qoftë se ju merrni një infeksion bakterial krahas infeksionit mykotik.

Çfarë duhet të keni parasysh?

Disa persona nuk janë të sigurt nëse duan t’i përdorin tabletat kundër mykut apo jo, për shkak të efekteve anësore.

Infeksioni i thonjve: A duhet të marr tableta kundër mykut nga goja?

Në qoftë se keni ndonjë sëmundje si diabeti që mund të ndërlikojë një lëndim të vogël të këmbës ose një infeksion, mjeku juaj mund të sugjerojë trajtimin e infeksionit mykotik edhe në qoftë se ai nuk ju shqetëson.

Kombinimi i largimit të thoit me kremra kundër mykut ose tableta ka të ngjarë të jetë më i efektshëm se sa përdorimi i vetëm njërit prej këtyre trajtimeve.

Në qoftë se keni një infeksion të lehtë mykotik ose shqetësoheni për rreziqet e medikamenteve nga goja, merrni në konsideratë përdorimin e një trajtimi lokal si Lamisilose Penlac.

Edhe pas trajtimit, thoi juaj mund të ketë pamje të jashtme dhe formë të parregullt. Mund të duhet një vit para se të kthehet në pamje normale.

Këto lloj infeksionesh, shpesh përsëriten.

Kirurgjia

Largimi i thoit me anë të ndërhyrjes kirurgjikale mund të përdoret për të trajtuar infeksione të rënda ose të përsëritura. Pasi largohet indi i sëmurë i thoit, mund të përdoret një krem kundër mykut direkt në zonën e infektuar. Kjo ka të ngjarë të veprojë më mirë se sa përdorimi i vetëm njërit nga këta mjekime.