Kur venat bëhen shumë të dukshme dhe të ënjtura ato quhen vena varikoze. Ato zakonisht zhvillohen në këmbë.

Venat kanë detyrën e kthimit të gjakut për në zemër. Këmbët kanë 2 lloj venash: venat sipërfaqësore, që shtrihen pranë lëkurës; dhe venat e thella në muskujt e këmbës. Gjaku kalon nga venat sipërfaqësore për në venat e thella në muskujt e këmbëve. Kur muskujt e këmbëve janë në punë (në ecje), ato funksionojnë si pompë, duke dërguar gjak në zemër.

Venat kanë valvula të një drejtimi për të kapërcyer efektet e gravitetit. Kur muret e venave në këmbë humbasin elasticitetin e tyre dhe valvulat ndalojnë së funksionuari siç duhet, gjaku mund të rrjedhë prapa për në venat sipërfaqësore në këmbë, duke shkaktuar ënjtjen e venave dhe kthimin e tyre në vena varikoze.

Faktorët e rrezikut për venat varikoze

Faktorët që mund të rrisin shanset e të zhvilluarit të venave varikoze përfshijnë:

• Rritjen e moshës;
• Shtatzëninë;
• Historinë familjare të venave varikoze;
• Të qenit mbipeshë;
• Të qenit femër; dhe
• Të qëndruarit për një kohë të gjatë ulur ose në këmbë.

Simptomat e venave varikoze

Venat varikoze janë një shqetësim kozmetik për shumë njerëz, duke u shfaqur si blu të dukshme ose ngjyrë vishnje nën lëkurë ose si vena të ënjtura. Venat merimangë janë një variant më i lehtë i venave varikoze.

Fillimisht venat varikoze janë të dhimbshme. Me kalimin e kohës ato mund të shkaktojnë simptoma dhe shenja si:

• Dhimbje të këmbëve, veçanërisht gjatë qëndrimit dhe ecjes;
• Një ënjtje të lehtë në këmbë;
• Çngjyrosje të lëkurës në zonën rreth tyre; dhe
• Një skuqje të kruajtshme (varicet).

Shumë rrallë njerëzit me venat varikoze zhvillojnë ulcerë në këmbë, zakonisht pranë gjunjëve. Këto ulcera mund të jenë shumë të dhimbshme. Mpiksjet e gjakut në venat e këmbëve janë një komplikacion tjetër i venave varikoze.

Diagnozat dhe testet

Mjekët shpesh diagnostikojnë venat varikoze thjesht duke ekzaminuar venat në këmbë.

Mjeku mund t’ju sugjerojë ultratingujt për të parë venat në këmbë, për mpiksjet e gjakut dhe për të kontrolluar nëse janë duke funksionuar siç duhet.

Trajtimi për venat varikoze

Qëllimi i trajtimit është lehtësimi i simptomave, përmirësimi i paraqitjes dhe parandalimi i komplikacioneve, siç është një ulcerë në këmbë.

Pa trajtim, venat varikoze kanë tendencë që të përkeqësohen. Një përjashtim të kësaj bëjnë venat varikoze që zhvillohen gjatë shtatzënisë dhe që zakonisht përmirësohen brenda disa muajve të lindjes.

Vetëndihma

Masa të ndryshme të vetëndihmës mund të ndihmojnë në trajtimin e parehatisë së venave varikoze dhe ndalimit të tyre nga përkeqësimi. Këto përfshijnë:

• Ushtrimet e rregullta që përmirësojnë tonin e muskujve në këmbë;
• Humbjen e peshës nëse jeni mbipeshë;
• Shmangien e rrobave të ngushta rreth këmbëve;
• Mbajtjen e këmbëve tuaja të freskëta, kur jeni të ulur; dhe
• Shmangien e qëndrimit në këmbë për periudha të zgjatura.

Çorapet ngjeshëse (të ngushta)

Veshja e çorapeve të ngjeshura shpesh është sugjeruar nga mjekët si një nga trajtimet fillestare për venat varikoze. Këto çorape krijojnë presione të buta në këmbë për të parandaluar gjakun nga grupimet në vena. Ato mund të ndihmojnë në dhimbjen e këmbëve dhe ënjtjeve. Çorapet janë të pranishme në farmaci dhe funksionojnë më mirë kur vishen siç duhet.

Trajtimi i përdorur do të varet nga vendi dhe ashpërsia e venave varikoze. Pjesa më e madhe e trajtimeve të venave varikoze marrin një kohë më të gjatë shërimi. Efektet anësore afatshkurtra përfshijnë ënjtjen, dhimbjen e lehtë dhe çngjyrosjen e lëkurës.

Skleroterapia

Skleroterapia është një formë trajtimi që përfshin injektimin e venave varikoze me një solucion kimik që acaron muret e qelizave. Këto bllokojnë venat, në mënyrë që të mos mbartin gjaku-n dhe të bëhen më pak të dukshme nën lëkurë.

Skleroterapia duhet të përsëritet disa herë në ditë. Ajo zakonisht është përdorur për të trajtuar venat merimangë dhe venat varikoze.

Lazeri dhe terapia e radiofrekuencës

Lazeri dhe terapia e radiofrekuencës  janë teknika të reja që përdoren për trajtimin e venave varikoze të mëdha. Këto trajtime aplikojnë nxehtësi brenda venave duke i detyruar të bien dhe të mbyllen.

Kirurgjia

Ekzistojnë një sërë kirurgjish që mund të bëhen për trajtimin e venave varikoze.

• Heqja e venave (flebektomia ambulatore) –  heq venat varikoze në pjesën e poshtme të këmbëve. Ajo është përdorur zakonisht për venat e vogla që janë afër sipërfaqes së lëkurës;
• Kirurgjia e venave – është përdorur zakonisht për të trajtuar rastet më të rënda të venave varikoze.

Kirurgjia për venat varikoze mund të jetë shumë efektive për shumë vite. Nëse keni venat varikoze, pyesni mjekun tuaj rreth trajtimit më të përshtatshëm.