Koha e të ngrënit na jep neve mundësinë për të kaluar më shumë kohë me miqtë dhe familjarët tanë, ashtu sikundër na jep edhe mundësinë  e ndarjes së ushqimeve me njëri tjetrin. Kujdesi ndaj dikujt me demencë në kohën e të ngrënit shpesh është shumë stresuese. Humbja e memories dhe problemet me gjykimin mund të shkaktojnë vështirësi në lidhje me të ngrënën për shumë njerëz me demencë. Ekzistojnë shumë mënyra për të përmirësuar situatën.

Humbja e oreksit

Humbja e memories, aftësia e kufizuar e aktivitetit fizik dhe problemet dentare, janë të gjitha elemente që rezultojnë në humbjen e oreksit.

Çfarë duhet të provoni

• Kontrolloni me mjekun për t’u siguruar që nuk ka shkaqe të kurueshme për humbjen e oreksit, siç është sëmundja akute ose depresioni;
• Ofrojini ushqime çdo ditë në vakte të rregullta;
• Lejojeni personin që të hajë kur është i uritur
• Kurajoni të ushtruarin fizik.
• Jepini ushqime të balancuara për të shmangur kapsllëkun;
• Provoni një gotë lëng, verë p.sh. nëse e lejon mjeku, përpara të ngrënit;
• Ofrojini akullore ose një përzierje lëngjesh ose qumësht;
• Mundojuni që të përgatisni ushqimet duke përfshirë të gjithë familjen në gatim, veçanërisht ushqimet që janë më të preferuarat;
• Kurajoni ngrënien në të njëjtën kohë;
• Mundojuni që ta bëni periudhën e të ngrënit të thjeshtë dhe relaksuese;
• Konsultojuni me mjekun nëse jeni duke përjetuar një humbje të konsiderueshme peshe (p.sh. 2.5 kg në 6 javë);
• Kontrolloni me mjekun suplementet e vitaminave.

Mbingrënia ose ngopja

Çfarë duhet të provoni

• Lënia e ushqimeve mbi tavolinë shpesh ndikon tek njerëzit për të ngrënën;
• Provoni vakte të vogla ushqimesh çdo ditë;
• Përdorni vakte me kalori të ulët siç janë molla dhe karrota;
• Konsideroni aktivitete të tilla si ecja, ose rrisni kontaktet sociale me njerëzit, pasi ato shpesh ndihmojnë.

Goja, përtypja dhe problemet e gëlltitjes

Disa probleme të të ngrënit mund të jenë të lidhura me gojën. Një gojë e thatë, ose me probleme dentare, shpesh është një nga shkaqet më të zakonshme.

Çfarë duhet të provoni

• Bëni një kontroll të rregullt dentar;
• Përdorni ushqime të lëngëta për rastin e gojës së thatë;
• Mundojuni të hani dhe të përtypni çdo ushqim me sasi të vogël, por ngadalë.
• Konsultojuni me mjekun nëse problemet zhvillohen.

Në tavolinë

Derdhja e gotës së lëngut në pjatën e supës, ose ngrënia e ëmbëlsirës me thikë tregojnë se personi me demencë është duke përjetuar vështirësi në të ngrënë.

Çfarë duhet të provoni

• Shërbeni si fillim një ushqim, jo të gjitha menjëherë, pasi kjo mund të shkaktojë shpërqendrim;
• Sigurojuni që ngjyra e pjatës të jetë e ndryshme me mbulesën e tavolinës;
• Nëse përdorimi i thikës është i vështirë, atëherë shërbeni ushqime që hahen me dorë;
• Shoqërojeni edhe ju personin me demencë, në mënyrë që t’ju kopjojë juve;
• Sigurojuni që ato të mos vihen nën presion dhe të nxitojnë;
• Mbani zhurmën dhe aktivitetet në një minimum;
• Sigurojuni që ka dritë mjaftueshëm;
• Shërbeni ushqime që janë të njohura.

Konsiderata të tjera

• Thjeshtësojeni të ngrënën. Jo të gjitha ushqimet duhen ngrënë me thikë dhe piru. Shpesh përdorimi i duarve është një alternativë;
• Mbani mend historinë familjare të të ngrënit të personit me demencë;
• Vëzhgoni temperaturën e ushqimit, pasi disa njerëz me demencë kanë humbur aftësinë e të gjykuarit se kur ushqimi është i ngrohtë dhe i ftohtë;
• Shumë njerëz me demencë, nuk marrin mjaftueshëm lëngje sepse ato harrojnë për të pirë ose shpesh ato nuk e kuptojnë ndjenjën e etjes. Sigurojuni që t’i ofroni rregullisht ujë, lëngje frutash dhe lëngje të tjera për të shmangur dehidratimin;
• Shumë probleme të të ngrënit janë provizore dhe do të ndryshojnë me përmirësimin e aftësive të personit.