Aneurizmi është një fjalë e përdorur për të përshkruar një ënjtje që ndodh në një arterie ose venë me mure të dobëta. Aneurizmi mund të formohet në enët e gjaku-t në pothuajse çdo pjesë të trupit dhe mund të ketë pasoja serioze.

Pjesët më të pritshme për t’u prekur janë truri dhe arteria kryesore (aorta). Ka arsye të ndryshme pse njerëzit e zhvillojnë aneurizmin.  Ajo mund të jetë prezente në lindje por mund të mos shfaqë probleme për shumë vjet. Të tjera çështje përfshijnë presionin e lartë të gjakut dhe arteriet e ngushtuara.

Komplikimet dhe mjekimet

Rreziku më i madh nga një aneurizëm është se mund të këputet (shpërthejë). Kjo mund të ndodhë pas shumë vitesh presioni të lartë dhe hollimi të mureve të enëve të prekura të gjakut, si një tullumbace që është mbifryrë. Kur kjo ndodh do të ketë gjakrrjedhje e cila mund të shkaktojë një infarkt nëse ndodh në tru, ose një shembje dramatike dhe vdekje të papritur nëse një  aneurizëm i aortës këputet. Disa herë aneurizmi do të pikojë sasi të vogla gjaku, në vend që të këputet. Kjo mund të shkatojë dhimbje koke ose barku dhe dhimbje kurrizi.

Ndonjëherë aneurizmi i aortës së ulët mund të shihet si një ënjtje në stomak, që mund të shkaktojë një ndjesi si impuls. Kjo mund të konfirmohet duke përdorur ultratingujt. Trajtimi kirurgjik është i mundur, duke hequr pjesën e prekur të aortës dhe duke e zëvendësuar atë me një tub artificial. Është gjithashtu e mundur të futet një tub artificial në vendin e aneurizmit për të përforcuar seksionin e dobësuar dhe për të parandaluar aneurizmin nga këputja. Diametri mesatar i aortës është 20 milimetra. Nëse një aneurizëm duhet të identifikohet ai duhet kërkuar për t’u parë nga afër me ultratinguj të rregullt.