Kardiomiopatia është termi i përdorur për të përshkruar një sërë sëmundjesh të muskulit të zemrës, ku aftësia e zemrës për të pompuar gjaku-n në mënyrë efektive është zhvlerësuar.

Çfarë e shkakton kardiomiopatinë tek fëmijët?

Në shumë raste të kardiomiopatisë tek fëmijët shkaku është i panjohur. Shkaqet e njohura përfshijnë infeksionet virale të zemrës, disa sëmundje metabolike, çrregullimet kongjenitale të muskujve (të pranishme në lindje) dhe disa çrregullime të trashëguara.

Ekzistojnë 3 lloje kryesore të kardiomiopatisë:

• Dilate;
• Hipertropike; dhe
• Kufizuese.

Kardiomiopatia dilate

Ky është lloji më i zakonshëm i kardiomiopatisë. Dhomat e zemrës janë zgjeruar dhe muskujt janë shtrirë (dilate). Ritmet e parregullta të zemrës (aritmia) gjithashtu mund të shfaqen. Për shkak se gjaku rrjedh shumë ngadalë nëpër zemrën e zgjeruar, mpiksjet e gjakut mund të formohen më lehtë.

Kardiomiopatia hipertropike

Më shumë sesa gjysma e rasteve me kardiomiopatinë hipertropike janë të trashëguara. Muri ndërmjet barkusheve gjithashtu mund të jetë i trashur, duke bllokuar pjesërisht rrjedhjen e gjakut jashtë barkushes së majtë. Mund të ndodhë gjithashtu edhe aritmia.

Kardiomiopatia kufizuese

Ky është lloji më pak i zakonshëm. Muskujt e barkushes ngurtësohen, duke sjellë vështirësi për barkushen që  të mbushet me gjak.

Cilat janë simptomat e kardiomiopatisë?

Simptomat dhe shenjat do të varen nga lloji, ashpërsia e kardiomiopatisë dhe mosha e fëmijës.

Simptomat mund të përfshijnë vështirësi në frymëmarrje, përgjumje, dhimbje kraharori, marramendje ose gjendje të fikti. Fëmijët në fazat e para të kardiomiopatisë hipertropike mund të mos kenë simptoma.

Diagnoza

Hapi i parë në përcaktimin e diagnozës do të përfshijë marrjen e historisë familjare nga doktori dhe realizimin e një ekzaminimi fizik.

Doktori mund të rekomandojë teste siç janë elektrokardiograma (EKG), që regjistron impulset elektrike të zemrës, rrezet X dhe testet e gjakut. Ekokardiograma është përdorur për të përcaktuar llojin dhe ashpërsinë e kardiomiopatisë.

Në disa raste, diagnoza mund të përcaktohet me rezonancë magnetike(MRI).

Teste të tjera më të avancuara mund të përfshijnë kateterizimin kardiak, në të cilin një tub i vogël është ndërprerë nëpërmjet një ene gjaku për të matur presionin brenda zemrës, ose për të marrë një biopsi të vogël (mostër indesh).

Trajtimi

Trajtimi do të varet duke u bazuar në llojin dhe ashpërsinë e kardiomiopatisë. Trajtimet mund të përfshijnë:

• Ilaçet për të përmirësuar punën e pompës së zemrës ose për të rregulluar ritmet anormale të zemrës;
• Pajisje të tilla si stimuluesit kardiakë ose defibrilatori implantues për fëmijët në rrezik të një aritmie të rrezikshme për jetën; ose
• Kirurgjinë që mund të përfshijë një transplantim të zemrës në raste të rënda.

Doktori do t’ju këshillojë në lidhje me trajtimin e përshtatshëm për fëmijën tuaj.