Zemra është e ndarë në 4 dhoma: 2 në anën e djathtë dhe 2 në të majtën. Çdo dhomë lart është e njohur si atrium dhe çdo dhomë poshtë si barkushe. 4 ndarjet janë të njohura si atrium i djathtë dhe barkushja e djathtë; atriumi i majtë dhe barkushja e majtë. Gjaku shkon në zemër nëpërmjet atriave (të cilat janë dhoma të vogla) dhe qarkullon në dhomat më të mëdha- barkushet.

Ana e djathtë dhe e majtë e zemrës

Me pak fjalë, ana e djathtë e zemrës (e treguar në të majtë të ilustrimit) qarkullon gjakun e nevojshëm për oksigjenin në mushkëri.

Ky gjak shkon në mushkëri ku mbushet me oksigjen dhe kthehet në zemër. Gjaku i pasur me oksigjen hyn në anën e majtë të zemrës, ku më pas qarkullon rreth pjesëve të trupit ku ka nevojë.

Gjaku i cili ka dhënë oksigjenin në muskuj dhe inde kthehet më pas në anën e djathtë të zemrës për të filluar përsëri ciklin.

 Venat kava superiore dhe inferiore

Këto janë dy vena të mëdha të cilat hyjnë në anën e djathtë të zemrës dhe sjellin gjak me pak oksigjen në atriumin e djathtë. Vena superiore (e sipërme) sjell gjakun nga koka, krahët dhe në pjesën e sipërme të trupit, vena inferiore (e poshtme) sjell gjakun nga trungu dhe këmbët- pjesa e poshtme e trupit.

 Arteria pulmonare

E djathta dhe e majta e arteries pulmonare  zgjerojnë trungun kryesor pulmonar. Gjaku që ka nevojë për oksigjen qarkullon nga barkushja e djathtë dhe më pas për në mushkëri ku furnizohet me oksigjen.

 Vena pulmonare

Vena pulmonare e majtë dhe e djathtë sjellin gjakun e pasur me oksigjen nga mushkëritë për në zemër dhe për në atriumin e majtë.

Aorta

Aorta është arteria më e madhe në trup. Gjaku i freskët plot me oksigjen qarkullon nga barkushja e majtë për në aortë, rreth harkut aortik dhe jashtë në pjesën e sipërme të trupit përmes 3 arterieve të degëzuara me harkun aortik.

Valvulat

Valvulat janë si dyer që hapen në një anë. Ka valvula që ndajnë dhomat e zemrës. Ndërkohë që zemra rreh, valvulat hapen dhe gjaku qarkullon nga një dhomë në tjetrën.

Atriumi i djathtë dhe barkushja e djathtë janë të ndara nga një valvul trikuspit. Valvula trikuspit lejon gjakun të qarkullojë nga atriumi i djathtë për në barkushen e djathtë.

E ngjashme, valvula mitrale hapet nga atriumi i majtë për në barkushen e majtë. Valvula pulmonare dhe valvula aortike janë degët e barkushes së djathtë dhe të majtë.

Çrregullimet e valvulës së zemrës ndodhin kur valvula lejon gjakun që të rrjedhë mbrapsht, psh. kthimi i gjakut në valvulën mitrale, ose kur valvulat nuk hapen si duhen, si stenoza në valvulën mitrale.

Arteriet koronare

Zemra është thjeshtë një muskul i madh i cili qarkullon gjakun në trup. Si çdo muskul, edhe zemra ka nevojë për oksigjen që të punojë. Oksigjeni shkon në zemër nga arteria koronare.

Arteria koronare e majtë dhe e djathtë degëzohen me aortën- një enë kryesore e madhe gjaku e cila lë zemrën me gjak të freskët të pasur më oksigjen.

Nëse arteria koronare ngushtohet nga depozita yndyrore në brendësi të arteries (ateroskleroza),  atëherë rrjedhja e gjakut në muskulin e zemrës mund të  kufizohet.  Nëse muskuli i zemrës nuk merr mjaftueshëm oksigjen për të punuar – kemi ishemi.

Ishemia mund të shkaktojë dhimbje të kraharorit ose parehati (anginë), shpesh e përshkruar si një ndjenjë presioni apo shtrëngimi në kraharor. Dhimbja mund të ndihet edhe në qafë, shpatull ose krahë dhe shpesh shkaktohet nga aktivitetet fizike. Ishemia zakonisht përmirësohet me pushim.