Kanabis u referohet produkteve të bimëve si kanabis sativa, të njohura gjithashtu si marijuanë dhe hashash (pavarësisht nga cila pjesë e bimëve është përdorur). Kanabisi është gjerësisht i disponueshëm për përdorim si një drogë rekreative. Ai është marrë zakonisht nga përzierja me duhanin. Ajo gjithashtu mund të gatuhet në ushqim dhe të hahet.

Sa njerëz e përdorin kanabisin?

Kanabisi është droga më e përdorur. Një studim i fundit përcaktoi se rreth 30 % e popullsisë së përgjithshme e kishte provuar kanabisin. Ndërmjet njerëzve nën moshën 35 vjeçare, rreth 50 % e kishin provuar atë dhe 28 % e kishin përdorur atë në vitet e fundit.

Si ndikon kanabisi në tru?

Kanabisi përmban një kimikat të quajtur THC. THC është një substancë psiko-aktive. Kjo do të thotë se udhëton nga gjaku për në tru, duke ndërprerë funksionet normale dhe duke shkaktuar efekte të caktuara intoksikuese. Disa nga këto efekte mund të jenë të kënaqshme, disa të tjera jo. Pjesa më e madhe e këtyre efekteve janë afatshkurtëra; disa mund të jenë afatgjata.

Cilat janë efektet e kanabisit?

Efektet e zakonshme janë ndjenja e relaksimit dhe e mirëqenies, rritja e të folurit, perceptimi i ngatërruar i hapësirës dhe kohës dhe humbja e aftësisë për përqendrim dhe memorie. Efektet e tjera janë paranoja, konfuzioni dhe rritja e ankthit. Me përdorim të tepërt mund të shkaktohen halucinacionet.

Sa zgjasin efektet?

Efektet fillojnë brenda pak minutave dhe mund të zgjasin deri në disa orë. Për njerëzit me sëmundjen psikotike ose që kanë predispozita për një sëmundje të tillë, efektet mund të jenë më serioze dhe afatgjata. Sëmundjet psikotike janë të karakterizuara nga simptoma të tilla si deluzione, halucinacione dhe çrregullime mendimesh. Kur njerëzit përjetojnë simptoma psikotike, ato nuk janë në gjendje që të ndajnë se çfarë është e vërtetë – në këtë mënyrë ekziston një humbje kontakti me realitetin.

A shkakton kanabisi sëmundje psikotike siç është skizofrenia?

Përdorimi i kanabisit mund të shkaktojë një gjendje që quhet psikoza e varësisë ndaj drogave. Kjo zakonisht kalon pas disa ditëve. Ekzistojnë dëshmi në rritje se përdorimi i shumtë i kanabisit mund të shkaktojë në norma të larta sëmundjen psikotike.

Si ndikon kanabis tek dikush që ka sëmundjen psikotike?

Kanabisi në përgjithësi përkeqëson simptomat psikotike dhe ngadalëson shanset e shërimit nga episodet psikotike. Njerëzit me sëmundje psikotike siç është skizofrenia dhe që përdorin drogat, do të përjetojnë halucinacione, deluzione dhe simptoma të tjera; trajtimi zakonisht është më pak efektiv dhe shërimi më i vështirë.

A duhet njerëzit me sëmundjen psikotike të shmangin drogat si kanabis?

Po. Pasojat mund të jenë serioze për shëndetin e njeriut dhe është mirë që drogat si kanabis të shmangen plotësisht. Është mirë për të parë mënyra të tjera të shëndetshme ose relaksuese, sikundër është edhe socializimi me të tjerët.