Rubeola (gjithashtu i quajtur fruthi gjerman ose fruthi 3–ditor) tashmë është një sëmundje e zakonshme që prek më shumë fëmijët e shkollave. Nuk është e njëjtë me fruthin, i cili shkakton simptoma më të rënda se rubeola. Kur fëmijët janë të imunizuar, janë të rriturit që janë më në rrezik, pasi efektet e vaksinimit të tyre në fëmijëri mund jenë zbehur ose ato mund të mos jenë vaksinuar kurrë (veçanërisht meshkujt).

Çfarë e shkakton rubeolën?

Rubeola nuk është aq ngjitëse sa lija e dhenve ose fruthi, por përpara imunizimit të gjerë ka patur epidemi të shpeshta ndërmjet nxënësve. Ajo është shkaktuar nga një virus, që është përhapur nëpërmjet kollës ose teshtitjes.

Simptomat e Rubeolës

Shumica e njerëzve do të zhvillojnë një të ftohtë të vogël ose ethe, dhimbje fyti, gjëndra të fryra në qafë, skuqje dhe dhimbje nyjesh. Skuqja zakonisht shfaqet në fytyrë dhe në lëkurën e kokës dhe përhapet në trup dhe në krahë në të njëjtën ditë. Skuqja e rubeolës zbehet pas 2-3 ditësh, gjithashtu në raste të rralla sëmundja mund të zgjasë një javë. Për disa njerëz nuk ekzistojnë fare simptoma. Simptomat mund të jenë aq të lehta sa mund të jetë shumë e vështirë për t’u diagnostikuar saktësisht. Mënyra e vetme për të konfirmuar diagnozën është testi i gjakut.

Cilat janë rreziqet?

Komplikimet serioze të infeksionit të rubeolës janë të rralla, veçanërisht tek gratë shtatzëna. Nëse një grua shtatzënë merr rubeolën, veçanërisht në tremujorin e parë dhe virusi mund të dëmtojë zhvillimin e fëmijës. Fëmija mund të zhvillojë defekte kongjenitale të zemrës, katarakt, vonesë mendore dhe shurdhim.

Trajtimet e Rubeolës

Trajtimi ka për qëllim zvogëlimin e simptomave dhe parandalimin e përhapjes së infeksionit. Paracetamoli mund të merret si reduktues për dhimbjet e nyjeve dhe etheve. Rekomandohet konsumimi i sa më shumë lëngjeve dhe një pushimi.

Parandalimi i rubeolës

Është e rëndësishme që të qëndroni në shtëpi nëse jeni diagnostikuar me rebeolë. Mos krijoni kontakt  me asnjë që dini që është shtatzënë. Të gjithë fëmijët, vajzat dhe djemtë, duhet të imunizohen ndaj rubeolës. Vaksina jepet në kombinim me 2 vaksina të tjera–atë të fruthit dhe shytave–në moshën 12 muajshe dhe moshën 4 vjeçare.

Shtatzënia dhe rubeola

Idealisht, gratë që duan të mbesin shtatzënë duhet të bëjnë testin e gjakut për të parë nëse janë imunë ndaj rubeolës përpara konceptimit të fëmijës. Nëse ato nuk janë imunë, ato duhet të imunizohen por njëkohësisht duhet të shmangin të ngelurin shtatzënë në 28 ditët e ardhshme të vaksinimit.

Gratë shtatzëna duhet të kontrollohen për imunitetin e rubeolës–një test i zakonshëm gjaku në fillimet e shtatzënisë. Edhe nëse testi i gjakut i kryer në shtatzënitë e hershme tregon imunitet ndaj rubeolës, testi duhet të përsëritet në çdo shtatzëni. Nëse mendoni se mund të jeni shtatzënë dhe imuniteti juaj nuk është testuar, kontrollohuni tek doktori.

Nëse jeni shtatzënë dhe jeni të ekspozuar ndaj rubeolës, duhet të shihni doktorin tuaj sa më shpejt që të jetë e mundur.