Presioni i gjaku-t është një matje e forcës së gjakut tuaj që ushtrohet mbi muret e enëve të gjakut ndërkohë që ai udhëton nëpër trupin tuaj.

Leximi i presionit tuaj të gjakut është i shprehur në dy numra, p.sh. 120/80. Numri i parë tregon presionin sistolik të gjakut, numri i dytë tregon presionin diastolik të gjakut.

Çfarë është presioni i lartë i gjakut?

Presioni i lartë i gjaku-t në mënyrë mjekësore njihet si hipertension dhe është termi që është përdorur për të përshkruar presionin e gjakut dhe që normalisht është më i lartë se 140/90.

Presioni i lartë i gjakut si një faktor rreziku për atak

Presioni i lartë i gjaku-t është rreziku më i njohur për ataket. Ai gjithashtu mund të përshpejtojë disa forma të zakonshme të sëmundjeve të zemrës që sjellin më pas atakun e zemrës.

Presioni i lartë i gjakut mund të shkaktojë mpiksjen e gjakut duke shkaktuar një atak. Në raste të rralla, hipertensioni mund të shkaktojë një goditje hemorragjike tek njerëzit që kanë lindur me formim të parregullt të mureve të enëve të gjakut në tru.

Rreziku i presionit të lartë të gjakut

Mjekët për një kohë të gjatë e kanë quajtur presionin e lartë të gjaku-t si një vrasës të heshtur, sepse vuajtësit mund të kenë presion të lartë të gjakut dhe mund të mos shfaqin simptoma. Nëse lihet pa u trajtuar, presioni i lartë i gjakut mund të shkaktojë atak në zemër dhe dështim të veshkave.

Çfarë e shkakton presionin e lartë të gjakut?

Ekzistojnë një sërë faktorësh rreziku që janë të lidhura me presionin e lartë të gjaku-t. Këto janë:

• Një histori familjare me presionin e lartë të gjakut ose me atakun e zemrës;
• Mosha – mundësia për presionin e lartë të gjakut rritet me rritjen e moshës;
• Seksi – meshkujt kanë më shumë mundësi që të kenë presionin e lartë të gjakut, në krahasim me femrat;
• Rritja e peshës trupore;
• Konsumimi i tepërt i alkoolit;
• Diabeti;
• Mungesa e të ushtruarit;
• Duhani;
• Marrja e tepruar e kripës.

Kontrolli i presionit të lartë të gjakut

Presioni i lartë i gjaku-t mund të kontrollohet në pjesën më të madhe të njerëzve me një kombinim të dietës, me të ushtruarit dhe ilaçet. Një dietë e ulët në kripera dhe e pasur me zarzavate dhe fruta, kombinuar edhe me ushtrime të rregullta mund të sjellë humbjen e peshës dhe të ndihmojë në uljen e presionit të gjakut.

Nëse ju keni presion të lartë të gjakut, mjeku juaj mund t’ju japë ilaçe për të reduktuar presionin e gjakut. Ekzistojnë shumë ilaçe për presionin e gjakut dhe mjekut tuaj mund t’i duhet për të rritur dozën ose të përdorë këto ilaçe duke i kombinuar, në mënyrë që të reduktojë efektivisht presionin e gjakut.

Mjeku juaj mund të flasë me ju rreth presionit të gjakut dhe rrezikut për atak dhe nëse është e nevojshme t’ju rekomandojë trajtimin.