Pjesa më e madhe e njerëzve vuajnë nga stresi në një moment të caktuar të jetës së tyre. Të shfaqurit e shenjave të stresit, nuk nënkupton që ju jeni një person i dobët. Stresi prek njerëz të ndryshëm, në mënyra të ndryshme. Personaliteti luan një rol madhor, në mënyrën sesi mund t’ju prekë dhe sesi mund ta përballoni.

Çfarë është stresi?

Stresi është përshkrimi i përdorur për tendosje, presion ose forcë në sistem. Ky sistem mund të jeni ju. Stresi mund të vijë si rezultat i dhënies së makinës në trafik, ose si rezultat i vdekjes së personit që doni.

Stresi mund të jetë përgjigja e një çrregullimi, që prek trupin tonë. Zakonisht, kur ne themi që po “ndihemi të stresuar”, jemi duke folur rreth simptomave, që janë shkaktuar nga trupi jonë si përgjigje ndaj stresit.

Si ndikon stresi në trupin tonë?

Në shenjën e parë të alarmit, nerva të caktuara shqisore në trup stimulohen dhe prodhojnë disa hormone, që shkaktojnë në mënyrë automatike reaksione fizike të stresit. Rrahjet e zemrës rriten për të lëvizur gjak në muskuj dhe tru, frymëmarrja përshpejtohet, tretja ngadalësohet, prodhimi i pështymës ndalohet (goja ndjehet e thatë), djersitja rritet dhe ndihet një nxitje force.

Ky është fenomeni, që e vë trupin në gjendje alarmi dhe gati për reagim. Pas këtij reagimi, trupi qëndron në gjendje alarmi, derisa të ndjeni largimin e rrezikut. Kur stresi largohet, truri dërgon sinjalet e “qartësisë” dhe trupi menjëherë kthehet në normalitet.

Ndërkohë që disa strese afatshkurtra janë pozitive pasi ju shtyjnë në sporte ose lojëra të ndryshme, stresi kronik ose afatgjatë, mund të jetë i dëmshëm për shëndetin. Ky lloj stresi ju bën që të ndiheni nën presion konstant, të vazhdueshëm.

Cilat janë simptomat e stresit?

Disa nga simptomat dhe shenjat që mund të përcaktojnë nivele të larta stresi të vazhdueshëm janë:

• Migrena ose dhimbjet e vazhdueshme të kokës;
• Ankthi, acarimi ose irritimi;
• Dhimbjet e shpatullave, qafës ose shpinës;
• Rrahjet e forta të zemrës;
• Diarreja ose kapsllëku;
• Pagjumësia ose makthet;
• Humori i ulët ose i paqëndrueshëm;
• Gabimet në kujtesë;
• Lodhja kronike;
• Përkeqësimi i kushteve të lëkurës, të tilla si ekzemë;
• Marramendja; dhe
• Gulçimi.

Gjithashtu, kërkuesit janë duke vazhduar për të gjetur lidhjet ndërmjet stresit dhe shumë sëmundjeve të tjera, siç janë:

• Astma dhe alergjitë;
• Çrregullimet e gjumit;
• Problemet e lëkurës;
• Sëmundjet auto-imune;
• Dhimbjet e kokës;
• Dhimbjet e shpinës;
• Problemet e zemrës; dhe
• Dhimbjet kronike.

Si mund ta përballoj stresin?

Përballimi i stresit mund të jetë i komplikuar, por në përgjithësi duhet të ekzaminoni jetën tuaj. Çfarë e shkakton stresin?

Bëni një plan veprimi për problemet konkrete dhe ndryshoni çfarë mundeni. Format më abstrakte të stresit janë të vështira për t’u përballuar, ashtu sikundër të qenit të mbingarkuar nga përgjegjësitë tuaja. Një nga mënyrat për të përballuar stresin është mbajtja e një mendjeje dhe trupi të shëndetshëm. Provoni këshillat e mëposhtme:

Këshillat për stresin

• Ushtrohuni rregullisht dhe punoni për tensionet. Kontrolloni me mjekun aktivitetin, në mënyrë që aktiviteti fizik të jetë i përshtatshëm për ju.
• Trajtoni veten me një kohë të përshtatshme relaksimi. Kjo do t’ju japë një pamje të rifreskuar dhe energjike. Praktikoni jogën ose meditimin.
• Mbani një dietë balancuese.
• Mësoni të pranoni se çfarë nuk mund të ndryshoni. Mos thoni gjithmonë “Po”. Shpeshherë, të mësuarit për të thënë “Jo”, mund të jetë shumë lirues.
• Flisni në lidhje me shqetësimet, me një mik ose me një profesionist. Një person tjetër mund ta shohë problemin nën një këndvështrim tjetër.
• Shmangni përdorimin e drogave dhe të alkoolit.

Si mund ta di, nëse kam nevojë për ndihmë?

Duhet të konsideroni marrjen e ndihmës nëse:

• Jeni vazhdimisht të shqetësuar dhe keni probleme me përqendrimin;
• Gjumi, energjia dhe motivimi juaj është i dobët;
• Mendoni se nuk duhet të shqetësoheni;
• Jeni duke bërë një sjellje vetëshkatërruese për lehtësime të përkohshme;
• Çdo gjë dhe çdonjëri pranë jush është duke u prekur nga mënyra sesi ju ndiheni;
• Ndiheni sikur nuk ka asnjë zgjidhje tjetër.

Ekzistojnë njerëz profesionistë, që mund t’ju ndihmojnë–flisni me mjekun, që t’ju rekomandojë personin e duhur.