Të luftosh ankthin nuk është asnjëherë e lehtë. Personat me çrregullime të lehta të ankthit luftojnë përditë me mendimet e tyre shqetësuese dhe të bezdisshme. Njerëzit me çrregullime paniku, ata që nuk e dinë kur ai do të godasë, bëhen më të vetëdijshëm për shqetësimin që kanë. Ndonjëherë kjo shkakton një sulm paniku.
Me fillimin e një viti të ri (ose çdo datë tjetër që na bën të ndihemi kështu), shumë nga ne i hedhin një sy jetës së tyre për të parë çfarë ka shkuar mirë dhe çfarë jo. Ne rikapitulojmë ku kemi qenë dhe ku duam të jemi. Kjo fillon me krijimin e një plan-veprimi apo një kure të re. Provoni të ndërroni medikamentet, apo të ndiqni një terapi tjetër si p.sh. terapinë e mendimeve konjuktive (të sfidosh një mendim negativ për ta vënë në pah). Provoni dhe një trajtim tjetër si p.sh. hipnozën.
Nëse po mundoheni të bëni një ndryshim pozitiv në jetën tuaj, ja 5 detaje me të cilat duhet të merreni.
Ju e dini se të kujdesesh për veten është gjithmonë e rëndësishme.Forma fizike ndikon në nivelin e ankthit. Ja disa hapa që duhet të ndërmerrni për të qenë në formën më të mirë fizike:
Edhe pse dieta nuk është shkaktar i drejpërdrejtë i ankthit, mund të ndikojë në nivelin e tij. Disa substanca, si p.sh. kafeina, rrit nivelin e acarimit dhe shkakton stres. Nëse nuk jeni të sigurt cilat ushqime janë të pranueshme për ju, flisni me një doktor ose dietolog që t’ju propozojë një diete të balancuar.
Kjo sigurisht është më e lehtë ta thuash se ta bësh. Shqetësimi dhe stresi bëjnë që të përpëliteni gjatë gjumit dhe kjo sjell rritje të nivelit të ankthit ditën tjetër.
Sipas studimeve, aktiviteti fizik, sado i paktë, ul nivelin e ankthit dhe depresionit. Nëse nuk merreni me asnjë lloj sporti, filloni me të paktën 10 ushtrime në ditë. Me kalimin e kohës, rriteni kohëzgjatjen. Nëse keni probleme të tjera, këshillohuni me një doktor për llojin e ushtrimeve që ju shkon për shtat.
Gjatë jetës së një gruaje, çrregullimet hormonale si: sindroma para menstruale (dhimbje etj), shtatzënia, para-menopauza dhe menopauza, ndikojnë në nivelin e stresit. Ndiqni simptomat e stresit për të parë nëse lidhet me ciklin tuaj apo me një ndryshim hormonal. Bëjani të ditur doktorit nëse përjetoni valë nxehtësie, cikle të çrregullta apo djersitje gjatë natës. Këto mund të jenë shenja të menopauzës.
Mundohuni të jetoni momentin. Ankthi dhe stresi vijnë si pasojë e diçkaje që ka ndodhur në të kaluarën, ose për një shqetësim në lidhje me të ardhmen. Mundohuni të përqendroheni tek çdo gjë që ndodh rreth jush për momentin. Me këtë lloj praktike 10 minuta në ditë, mund të përforconi ndjesinë e të qenit mirë (aktiv).
Së fundmi mos harroni që të zgjidhni një nga këto praktika për të filluar ndryshimin. Nëse përpiqeni të ndryshoni gjithçka menjëherë mund të rrisni akoma më shumë nivelin e ankthit. Shihni se ku jeni më të aftë dhe qëndroni aty.
Komentoni