Neuropatia tek diabeti gjithashtu quhet dëmtimi i nervit diabetik ose neuropatia diabetike. Njerëzit me diabetin mellitus mund të zhvillojnë këtë komplikacion, që mund të shkaktojë dëmtim të përkohshëm ose të përhershëm në indet nervore.

Çfarë e shkakton neuropatinë tek diabeti?

Lëndimi i nervave në diabet është shkaktuar nga një rrjedhje e ulët e gjakut në indet nervore dhe nivelet e larta të sheqerit në gjak. Neuropatia ka më shumë të ngjarë të rezultojë në qoftë se nivelet e glukozës në gjak nuk janë të menaxhuara në mënyrë korrekte. Ajo gjithashtu mund të ketë ndodhur para diagnostikimit të diabetit dhe fillimit të trajtimit.

Sa e zakonshme është neuropatia tek diabeti?

Disa njerëz me diabet nuk zhvillojnë kurrë neuropati, ndërkohë që të tjerët mund ta zhvillojnë këtë gjendje relativisht herët. Neuropatia është një ndërlikim relativisht i zakonshëm tek diabeti, dhe rreth 40 deri në 60% e njerëzve me diabet kanë një formë të butë dhe 5 deri në 10% kanë simptoma të rënda. Ashtu si retinopatia diabetike (dëmet në retinën e syrit), ajo është e lidhur shpesh me gjatësinë e kohës që personi ka pasur diabet dhe shkallën e kontrollit të glukozës në gjak.

Simptomat e neuropatisë tek diabeti

Disa njerëz me neuropati në diabet nuk kanë asnjë simptome, por të tjerët do të përjetojnë disa nga simptomat e mëposhtme (zakonisht zhvillohen gradualisht përgjatë shumë viteve):

• Dhimbje ose djegie në këmbë;
• Mpirje të gjymtyrëve;
• Ndjesi shpimi gjilpërash;
• Dobësi ose zvogëlim ndjenjash në një pjesë të trupit;
• Humbje e plotë e ndjesisë në pjesë të trupit;
• Paraliz e pjesëve të trupit;
• Dridhje muskujsh dhe kontraktim muskujsh;
• Diarre ose kapsllëk;
• Humbje e kontrollit të fshikëzës;
• Lodhje të fytyrës (shpesh e parë me një lodhje të syve ose venitje të gojës);
• Ndryshime në vizion;
• Marramendje;
• Vështirësi në gëlltitje; dhe
• Dispepsi, përzierje dhe vjellje.

Simptomat mund të ndryshojnë në varësi të nervave të prekur. Nervat që janë të përfshirë në sistemin e tretjes mund të preken dhe stomaku pastaj do të marrë zbrazëti, ndërsa fshikëza e tëmthit ngadalësohet ose ndalon funksionimin normal. Personi mund të vuajë diarrenë, sidomos gjatë natës, dhe kjo mund të alternojë periudhat e kapsllëkut. Sistemet e tjera të trupit gjithashtu mund të preken, duke shkaktuar një numër problemesh të tjera, që përfshijnë:

• Impotencë dhe probleme me ejakulimin;
• Presion të ulët të gjakut kur ngrihesh në këmbë (duke shkaktuar marramendje);
• Dëmtim dhe fryrje të nyjeve (zakonisht kjo është e dhimbshme);
• Paaftësi për të boshatisur komplet fshikëzën; dhe
• Paaftësi për të djersitur ose djersitje e tepruar.

Neuropatia periferike

Neuropatia periferike prek periferitë e trupit – që do të thotë, duart dhe këmbët. Një nga format më të zakonshmë të neuropatisë përfshin, një mpirje të lehtë dhe ndjesi shpimi gjilpërash të këmbëve dhe shputave dhe herë pas here, gishtat. Ajo përgjithësisht ndikon në të dy anët e trupit dhe mund të shkaktojë edhe dhimbje ose djegie në këmbët dhe shputat, sidomos gjatë natës.

Rreziku i lëndimeve

Në rastet më të avancuara të neuropatisë diabetike, ekziston një rrezik i rritur i dëmtimeve për shkak të humbjes së ndjenjës dhe/ose funksionit motorik. Kur humbja totale e të ndjerit ndodh tek këmbët, shumë njerëz mund të jenë të vetëdijshëm për lëndimet që ndodhin tek këmbët dhe rrjedhimisht nuk arrijnë të kujdesen për to siç duhet. Për shkak të qarkullimit të dobët, shumë dëmtime tek njerëzit me diabet shërohen shumë ngadalë ose aspak. Edhe dëmtimet më të vogla mund të çojnë në infeksione serioze, ulcer dhe madje gangrenë, që mund të thotë më vonë amptuim të këmbëve, shputës dhe pjesëve të tjera të infektuara.

Humbja e ndjeshmërisë së temperaturës është një faktor rreziku i rëndësishëm për dëmtimet në njerëzit me diabet. Kjo mund të rezultojë tek personi që të mos jetë në dijeni që uji i dushit që ato po hedhin është në temperature shumë të lartë. Ato gjithashtu mund të jenë në rrezikun e zhvillimit të djegieve të forta pas ndenjes shumë afër nxehtësisë.

Njerëzit me diabet duhet gjithashtu që të përdorin edhe këpucë shumë komode ose disa lloj këpucësh që janë mbrojtëse shumë të mira nga dëmtimet e këmbëve. Ato kanë nevojë që të kontrollojnë këmbët e tyre çdo ditë për të përcaktuar problemet e tyre sa më mirë, dhe duhet të kenë kontrolle të rregullta të këmbëve nga doktori ose podiatri. Edhe dëmtimet më të vogla duhen kujdesur në mënyrë që të mos zhvillojnë probleme serioze.

Trajtimi i neuropatisë tek diabeti

Trajtimi i diabetit në neuropati zakonisht përfshin kontrolle të rrepta të niveleve të glukozës në gjak, trajtim intensiv të insulinës dhe shpesh u nevojitet për të arritur një shkallë adekuate të kontrollit. Kontrolli i shtrënguar i sasisë së glukozës në gjak ka qenë një tregues për të reduktuar rrezikun e neuropatisë.

Dhimbja

Edhe pse neuropatia diabetike shpesh shkakton humbje të ndjesisë, ajo nganjëherë mund të shkaktojë dhimbje, sidomos tek këmbët dhe shputat. Kjo dhimbje është shpesh shqetësuese, veçanërisht natën kur ajo mund të sjellë pagjumësi. Për fat të keq, trajtimet konvencionale nuk janë shpesh të dobishme në këtë lloj dhimbjesh, dhe llojet e tjera të barnave mund të jenë të nevojshme. Mjeku juaj do të jetë në gjendje për të diskutuar këto opsione lehtësimi dhimbjesh.